FRANKISMOAREN GORAZARREARI EZ, SINBOLO FRANKISTEI EZ UZTAILAREN 19an 12:00etan
Nafarroako Oroimen Historikoaren Aldeko Herriareko Koordinakundeak elkarretaratzea deitu du datorren uztailaren 19rako eguerdiko 12etan Iruñeko "Hildakoen Monumentuaren" parean, Rodeznoren enparantzan Memoria Historikoaren Foru Legeari jarraikiz Emilio Mola eta José Sanjurjo kolpisten gorpuzkiak udal eraikinetik atera daitezen eskatzeko, bai eta Zaldun Boluntarioek hilero bertan ospatzen dituzten mezak debekatu daitezen, estatu kolpe militarra eta gizateriaren aurkako krimenak goresten dituztelako.
Jarraian koordinakundeak helarazitako komunikatua duzue:
Jarraian koordinakundeak helarazitako komunikatua duzue:
“Franco ... el sapo iscariote y ladrón en la silla del juez repartiendo castigos y premios, en nombre de Cristo, con la efigie de Cristo prendida del pecho, y el hombre aquí, de pie, firme, erguido, sereno, con el pulso normal, con la lengua en silencio, los ojos en sus cuencas y en su lugar los huesos ...” (Poema “Pero ya no hay locos” de León Felipe)
Nafarroako Herriarteko Koordinakundeak, Iruñeko eta Tuterako artzapezpikutzako artzapezpikua den Francisco Perez Gonzalez monsinorearen isiltasun gaizkidea salatu nahi du, artzapezpikutzak betiko gozatutako “Hildakoen Monumentua” deituriko udal eraikinean dagoen kriptan, hilero ospatzen diren ekitaldiengatik, Oroimen Historikoaren Foru Legea urratzen dutenak eta 1936an, Francok, Molak eta beste militar fxistek emandako estatu kolpe militarraren goresmena suposatzen dutenak.
Nafarroako Eliza Katolikoaren hierarkari, Gurutzaren Zaldun Boluntarioek ospatzen dituzten urteurreneko mezak eragotziz, legea betetzea eskatzen diogu. Aipatutako meza horietan estatu kolpe militarra eta gizateriaren aurkako krimenak goresten dira, zaldun boluntario hauek “Jaungoikoaren eta Espainaren aldeko Gurutzada” deitzen dietenak. Era berean eskatzen diogu, Emilio Mola eta Jose Sanjurjoren gorpuzkiak leku pribatu batera eramatea, Diktaduraren propaganda monumento honek, Frankismoak eraildako 3.500 nafar eta beren senitartekoen aurkako irain itzela suposatzen baitu.
