Orkoienek 25.000€ erabiliko ditu COVID19 ekonomikoki kaltetutako bizilagunentzat

Partida ekonomikoa handitu egin daiteke, eta deialdiaren baldintzak aho batez onartu ziren atzo egindako osoko bilkura 

pertsonek izan ditzaketen egoera edo behar egoerak arintzeko.

Gehienez ere 250 €emango dira hilean, gehi 75 €familia-unitateko kide bakoitzeko. Ohiko etxebizitza bakoitzeko laguntza bakarra ematen ahalko da. 

Laguntza hauek emateko epea alarma-egoera hasten denetik (2020ko martxoaren 14a) 2020ko abuztuaren 31ra bitartekoa izanen da. Laguntza hauek eskatzen ahalko dituzte COVID-19 delakoaren osasun krisiak eragindako zaurgarritasun egoeran dauden pertsona fisikoek, baldintza hauek betetzen badituzte: 

1) Azken urtebetean gutxienez Orkoienen erroldatuta egotea, etenik gabe. 

2) Eskatzailea langabezian egotea, ERTE, zaintzagatik lanaldia murriztu izana edo alarma-egoeragatik diru-sarrerak galdu izana. 

3) Familia-unitatearen hileko diru-sarrerak, alarma-egoera hasi zenetik, baremo hau baino txikiagoak izatea: 

*KIDE BAKARREKO FAMILIA UNITATEA ……………..... 1075,68 €. 

*2 KIDEKO FAMILIA UNITATEA ……………….................. 1290 €. 

*3 KIDEKO FAMILIA UNITATEA ………………................... 1506€. 

*4 KIDEKO FAMILIA UNITATEA ………………................... 1721 €. 

*5 KIDEKO FAMILIA UNITATEA ………………................... 1936 €. 

*6 KIDEKO EDO GEHIAGOKO FAMILIA UNITATEA …….. 2151€. 

Familiaren hileko eta urteko diru-sarreren muga ezartzeko, ohiko etxebizitzaren kostuak deskontatuko dira (alokairua edo hipoteka), eta deskontu-muga hilean 600 €izango da. 

EHBilduk osoko bilkuran aurkeztutako zuzenketa, laguntzetan zaintzaren ekonomian lan egiten duten pertsonak, kontraturik gabe, sar zitezen eta dirusarrerarik gabe geratu diren pertsonak, ez zen onartu, beste udal talde batzuen laguntza ez baitzen lortu.