Frontoiaren udal ordenantza behin betiko onetsia
Herriko frontoiaren erabilera arautzen duen ordenantza otsaileko osoko bilkuran izan zen onetsia hasiera batean. Orain, jendaurreko epean alegaziorik aurkeztu ez denez, ordenantza behin betiko onetsitzat jo da.
Jarraian ordenantzaren testua duzue:
1. artikulua. Helburua.
Ordenantza
honen helburua da Orkoiengo Udal Pilotalekuaren erabilera arautzea,
ahalik eta zerbitzurik zabalena eman diezaien azpiegitura horrek
herritarrei.
2. artikulua. Erabilera.
a)
Edonork erabil dezake pilotalekua. Azpiegitura erabiltzeko orduan,
alabaina, lehentasuna izango dute pilotaleku batean egin behar diren
kirol jarduerek, hala nola eskuzko pilota, gomazko paleta, frontenisa
eta abar.
Ezin izango da egin
instalazioa andeatzen, zikintzen edo hondatzen duten elementuak
erabiltzen dituen kirolik edo bestelako jarduerarik.
b)
Udalak erabateko lehentasuna izango du pilotalekua erabiltzeko, dela
Udal Kirol Eskoletarako, ikastaroak egiteko, erakustaldietarako, herriko
jaietarako edo Udalak berak antola dezakeen beste edozein
ekitalditarako.
c) Orkoienen bizi direnek lehentasuna izango dute pilotalekua erabiltzeko.
Talde
bat pilotalekua erabiltzen ari denean pilotalekua erabili nahi duen
beste bat agertzen bada, lehen taldeak jokatzeari utzi beharko dio,
gehienez ere, ordu bat igaro denean bestea instalazioan agertu denetik.
Gerta
liteke talde bat pilotalekua erabiltzen egotea, argiak pizteko sistema
aktibatuta, eta beste bat agertzea. Horrelakoetan, erlojuan sartutako
fitxa amaitzean denean utzi beharko dio lehenak jokatzeari, pilotalekua
ordu betez erabili duela jotzen baita. Argiak pizteko fitxa amaitzen
denean, lehen taldeak ezin izango du argiak pizteko beste fitxa bat
sartu eta, horrenbestez, jokatzeko zain dagoenaren txanda izango da.
Iritsitako
ordenari jarraituz jokatuko dute erabiltzaileek. Pilotalekua
erabiltzeko zain daudenek kantxan bertan egon beharko dute zain.
d)
Erlojuan fitxa sartzean, ordu batez piztuko dira argiak. Fitxak 4
eurotan erosten ahal dira, Mendikur kirol instalazioetan eta Ángel
Gutiérrez gizarte-etxean, horiek irekita dauden orduetan.
e)
08:00etatik 22:00etara erabili ahal izanen da argiak pizteko sistema.
22:00etan, automatikoki itzaliko dira argiak. Ordu horretan fitxaren bat
sartuta badago eta fitxako denbora guztia gastatu ez bada, ez da
itzuliko dirua.
f) Udalak baimena eman
dezake udal pilotalekua erabiltzeko ordenantza honetan jaso ez diren
beste kirol jarduera edo bestelako jarduera zein ekintza batzuetarako,
lagapen edo alokairu bidez; baldin eta, eskabidea izapidetu bada,
instalazioetan kalterik eragingo ez bada, eta pilotalekua erabiltzeko
baimena jaso duen pertsonak edo erakundeak bere gain hartu badu eragin
litezkeen kalteen erantzukizuna.
Kasu horietan, orduko 12,00 euroko alokairua ordaindu beharko da eskuarki.
Udal
pilotalekua erabiliko den eguna baino 7 egun lehenago aurkeztu beharko
da pilotalekua erabiltzeko eskabidea, letra honetan aipatzen dena.
Udalak
doan laga dezake udal pilotalekuaren erabilera, elkartasunezko edo
ororen intereseko ekimenak edo jarduerak gauzatzeko, dagokion eskaera
izapidetu ondotik betiere.
g) Funtzionamendu eta erabilera arau oinarrizkoak jarriko ditu Orkoiengo Udalak pilotalekuan, horma irudi batean.
NAO
