Egoitz Cobo orkoiendarra eta Unai Rikarte iruindarra Cinema Jove festibalean saridunak
Egoitz Cobo orkoiendarra eta Unai Rikarte iruindarra garaile suertatu ziren joan den ekainaren 17tik 24ra Valentzian ospatutako Cinema Jove festibalean "Eta zu, zeren beldur zara?" ikus-entzunezko lanarekin.
Antolatzaileen hitzetan festibalak "ikasleek ikus-entzunezkoen lengoaia ezagutu dezatela ahalbidetzen du eta honek herritar askeagoak egingo ditu". 31. edizio honetan 40 pieza aurkeztu ziren A, B eta C kategorietan banatuta. Unai eta Egoitzek C kategoriako 1. saria jaso zuten euskaraz egindako lanarekin.
Laburmetraian egunero, beldurragatik, saihesten ditugun egoera batzuk aurkezten dira, pertsona mota batekin lotzen direnak.
