BOZKATU ALDAKETA. EMAN BOTOA EHBILDU ORKOIEN (bideoa)
EH Bilduk irmotasuna erakutsi nahi izan du legegintzaldi
honetan zehar egungo gobernuaren politika
zakarra salatzeko orduan. Irmotasun hau izan da hain
zuzen epaitegietara jotzera behin baino gehiagotan
bultzatu gaituena, igerilekuko kontratuaren inguruan
gobernu taldeak izandako jarrera irregularraren afera
kasu.
Uste dugu EH Bildu ez dagoela hemen epelkerietan
aritzeko, lan serio eta arduratsua burutzeko baizik.
Gure lana gainera oinarri etiko sendoetan dago sustraitua,
eta hala exijitu izan diegu beste alderdiei ere
behin eta berriz.
Hainbat proposamen berritzaile aurkeztu
izan ditugu legegintzaldian, beti ere
zerbitzu publikoen kalitatea hobetzeko
helburuarekin. Zoritxarrez hauetako
asko atzera bota dituzte, nahiz eta
behin baino gehiagotan beraienak
balira bezala aurkeztu izan dituzten,
baina deskafeinatuta. Izan ere,
hau izan baita legegintzaldia hobekien
definitu duen jarrera, UIO eta UPN-ren
arrabola alegia.
Dena den EH Bildun ez dugu sekula etsi eta proposamenak
aurkeztearekin batera ikuskaritza lan arduratsua
eraman dugu aurrera legegintzaldi osoan.
Ikuskaritza lan hau izan da hain zuzen UIO eta UPNk
geldiarazten saiatu ziren Kontuen Ganbaren txostenak
berriki berretsi duena.
