INBERTSIOETARAKO 1.580.000 € ONARTUAK
POLEMIKA UDALARI 7 MILIOI EURO ZOR DIZKION ENPRESARA JOAN DAITEKEEN DIRU-PARTIDA ONARTZEAGATIK
Hil honetako osoko bilkuran UIO-UPNk urte honetarako 1.580.000 €ko inbertsio proposamena onartu zuten, Bildu taldearen aurkako boza bakarrarekin. Aldiz, Bilduk proposatutako komuna publiko autogarbitzailea (70.000 €, hainbat partida doituz lortuko ziratekeenak) atzera bota zuten.
Eztabaida piztu zen Bilduko bozeramaleak hainbat diru-partidaren aurka agertu zenean, finean dirua Aranadek jasoko zuelako (Aranadek 7.000.000€ zor dizkigu orkoiendarroi, epaileek berretsi bezala). Honen aurrean UIOko bozeramale den Jesus Mª Unzuék, Aranaderi dirua ordainarazteko bideak badaudela bota zuen, bere taldearen orain arteko jarrerarekin bat ez datorrena eta datorren urteko hauteskundeekin lotura izan dezakeena. Alkateak, aldiz, udalari zor zaion dirua eskuratzeko ahalak eta bi egin direla agertu zuen. Dirudienez udalak 456,50 € baino ez ditu bereganatu Aranadek zor dizkion 7 milioi horietatik.
Aranadek Orkoiengo Mendikur enparantzan bulegoak dituen, La Muelan eta Andratx-eko ustelkeria kasuekin loturak ditu, baita Gürtel kasuarekin ere jakin ahal izan dugunez.
Udalbatzan esandakoa ikus dezakezue (40. minututik aurrera).
