2014ko AURREKONTUEN BALORAZIOA
UIO-UPNk 2014. urterako
aurrekontuak onartu dituzte. Jarraian aurrekontu horien inguruko
gure iritzia eta laburpena dituzue.
Onetsitako aurrekontuak
xede-adierazpen argia dira
Desgobernu talde honen
xedeak argi geratzen dira beraz; zergak eta tasak igo, zerbitzuak
pribatizatu, baina hori bai, izandako kritikek nolabaiteko eragina
izan dutenez gero eta latzagoa den langabeziari aurre egiteko
eskasegiak diren ekimenak sartuz.
Urtez urte ura,
elektrizitate, gasa eta telefono gastuak handituz doaz udala eta
gastuok murriztuko dituen energia egitasmoa burutu ordez aurrekontua
handituz doa.
Liburutegirako idazpenik
gabe jarraitzen dugu, dirudienez gobernu taldeak ez du behar bezala
ikusten zerbitzua.
Beste behin ere udako udal
kanpamendurik gabe geratuko gara. Berdintasuna zein familia eta lanaren arteko elkarbizitzari mesede eskasa egiten diona
beraz.
Arazo ekonomikoetan
dauden bizilagunei ohiko etxebizitzaren kontribuzioa ordaintzen
laguntzeko proposamena atzera bota zuten UIO eta UPNk azaroan, gure
talde honetatik aurkeztu izan ditugun proposamen guztiekin egin ohi
duten bezala. Eskerrak gutxienez ideia ona iruditu zitzaiela.
Zoritxarrez ideia bezala utzi dute, hori gertatu zenetik hiru
hilabete iragan direlarik ez bait dute inongo ekimenik erakutsi.
Bestalde, iaz gure talde
honek aurkeztutako hiru zuzenketa bereak egin ditu aurtengo aurrekontuak, bere garaian atzera bota bazituzten ere. Gaitzerdi.
- Euskara ikasteko bekak.
- Elikagaien bankuari bideratutako idaz(nahiz eta egun dagoen beharrei begira eskasa izan).
- Herriko langabetuak kontratatzeko laguntzak. Deialdiaren oinarriak publiko egin ez dituztenez ez dakigu, guk iaz proposatu bezala, komertzio txikiari laguntzea aurrikusten ote dutenentz.
Iazko
gastuetan murrizketarik egin gabe udal talde honek 50.00€ inguru
ateratzea lortu du, udalak berak langabetuak kontratatu ahal izateko
poltsa sortzeko adina. Argi dago beraz arazoa borondate faltan
dagola. Pribatizatutako zerbitzuetara bideratzen den 300.000€
horiekin lan handia egin liteke langabeziaren eragina mugatzeko,
baina aldiz gobernu taldeak nahiago du pribatizazioa, hemendik
gutxira pribatizatuko den eskolen garbiketa lekuko. Ez da beraz
ahalmen falta, borondate gabezia baizik.
Gure
boza beraz EZEZKO BOROBILA da, kontserbadoreak direlako, parte hartze
faltarengatik eta orkoiendarron beharrei erantzungo dieten
aurrekontuak lantzeko erakutsi duten lan politiko eskasagatik.